Vidhi -- Chal milte hai fir Kal. Abhi ke liye Bye 🙂
Rizul -- Hmmm Bye !!
*Rizul in his mind*
Rizul -- (Ab kya karu? Manali jaau yaa Vidhi se milu Kal?)
Rizul -- (Manali jaata hu , waise bhi anirudh or gurkirat fir pata nahi kab milenge merko)
Rizul -- (Par kahin Manali jaane ke chakkar me maine Vidhi ko Kho diya toh? Ufff Kya siyappa hai yeh , kal hi dekhta hun..)
(Next day)
Rizul's mother -- Aaj kaise tu jaldi uthgya?
Rizul -- Woh mujhe ghumne jaana hai aaj 😑
Rizul's mother -- Ghumne? Kahan ?
Rizul -- Manali 😐
Rizul's mother -- Manali? Kya manali? Pagal hai tu? Chup-Chap Ghar mein baitha reh 😕
Rizul -- Yaar mumma dosto ke saath last trip hai mera fir toh Job-wagara mein busy hojaunga.... Samjhaa karo !!
Rizul's mother -- Toh kahin aas-pass chaleja... Kasauli wagara ghumaao 🙂
Rizul -- Kasauli bhi koi jagah hai ghumne ki? Hum manali jaa rahe hai bus.. Parso aajaunga main 😕
Rizul's mother -- Mujhe kuch nahi pata. Apne papa se puchle jaakar !!
Rizul -- Aap boldo naa papa ko please 🙂
Rizul's mother -- Naa , maine subah-subah gaaliya nahi sunni inse.. Khud baat kar jaakar...
Rizul -- Bus yaar mumma , itna bhi nahi kar sakte aap mere liye !!
Rizul's mother -- Parso aajayega naa?
Rizul -- Hanji 😀
Rizul's mother -- Sweater wagara rakhlio , aur baahar ka kuch mat khaaio.. Samjha?
Rizul -- Haan meri pyaari maata 😀
(Few hours later, 09:30 am)
Abhinav -- Bag wagara pack karliya tunne?
Rizul -- Hmmmm...
Abhinav -- 11 bje mil merko bustand 😐
Rizul -- Okay !!
(At 10:30 am)
*Tring-Tring*
Anirudh -- Kahan mara wa hai kab se? Phone kyun nahi uthaara?
Rizul -- 2 number karne gya tha 😕
Anirudh -- Loose motion pata nahi kyun lagjaate tumharko baahar jaane ke naam se
Rizul -- Loosre motion koi nahi laga merko 😕
Anirudh -- Acha , Ghar se chal pad jaldi...
Rizul -- Haan Haan milta hu terko 11 bje...
Anirudh -- K. aur 3-4 Hazar rakhlio 😕
Rizul -- Jyada nahi hai mere pass... Tu kitne laara hai?
Anirudh -- Mere pass bhi hazar-2hazar pada hai...
Rizul -- Bhai itne paiso mein thoda manali jaa paayenge.. Trip cancel karte tab toh !!
Anirudh -- Chal-e-chal koi trip cancel nahi hoga.. Karlenge jugad sab.. Gurkirat bhi toh hai...
Rizul -- Dekhlo...
Anirudh -- Dekhna kuch nahi hai , tu 11 bje mil merko bustand.
Rizul -- Acha 😐 (Ab ni hota ye cancel trip huh)
(11:00 AM , At Bustand)
Anirudh -- Saale itna bada bag kyun le aaya tu? Manali jaa rahe hai hum , Kargil nahi 😑
Rizul -- Oh yaar mummy ne sweater wagara pata nahi kya kya daaldiya !!
Anirudh -- Tu bhi sample hi hai 😀
Rizul -- Gurkirat se hui baat?
Anirudh -- Haan usne bola ki jab tum log Panchkula pahunch jaaoge toh merko ring maardena , fir woh humarko 43 lene aajayega aur wahan se seedha manali ko nikaljaayenge 🙂
Rizul -- Hmmm....
"1 hour later , Rizul get a facebook message from Vidhi and Rizul was like "Ab kya bolu isko?"
Vidhi -- Goodmorning 😀
Rizul -- Gdmrng yaar...
Vidhi -- Wassup?
Rizul -- Nothing' tu btaa?
Vidhi -- Movie start hone waali hai bus , socha terko text kardu... Fir Kahan par milega tu merko?
Rizul -- Vidhi main abhi 'bus' mein hu yaar... Chandigarh jaa raha hun...
Vidhi -- Chandigarh? Sab theek hai?
Rizul -- Haan , Manali tak jaa rahe hai hum dost log ghumne 😐
Vidhi -- Ghumne? Aur woh bhi Manali? Atleast bta toh dete yaar ki tum aaj mil nahi sakte....
Rizul -- Yaar sabkuch jaldi jaldi mein hua so btane ka time nahi laga bus 😕
Vidhi -- "Msg seen but hadn't replied"
Rizul -- I'm sorry..
(In bus)
Rizul -- Kismat hi kharab hai meri...
Anirudh -- Kya bol raha hai?
Rizul -- Kuch ni bhai !!
Anirudh -- Bol kya huaa?
Rizul -- Yaar Vidhi ne aaj milne ko bola tha , par aaj bhi nahi mil paaunga usko 😐
Anirudh -- Toh bhai parso ko mil lio , tension kyun lera?
Rizul -- Yaar bndi naraz hogayi , usne kal ka bol rakha tha milne ko aur maine end time tak usko btaya nahi about our manali trip.
Anirudh -- Tumhara scene chal pada kyaa?
Rizul -- Nahi 😐
Anirudh -- Toh saale aise kyun react kar raha hai jaise woh teri bndi ho.... Hahaha
Rizul -- Terse baat karna hi bekaar hai...
Anirudh -- Bhaiya 'bus' rokna...
Conductor -- Ab 'Solan' hi rukna bhai !! Yahan beech mein toh nahi rukti...
Anirudh -- Acha...
Rizul -- Oye !! Tu bus kyun rukwaara hai?
Anirudh -- Kyunki hum Waapis Shimla jaa rahe hai ....
Rizul -- Tu pagal hai? Hum aisa kuch nahi kar rahe.. Ab manali jaana hai toh jaana hai...
Anirudh -- Dekhle bhai ? Main toh taiyaar hu Waapis Shimla jaane ko .... Gurkirat ko bhi main samjhaalunga... Fir baad mein mat bolio merko 😕
Rizul -- Nahi yaar , Vidhi meri jyada-se-jyada future ho sakti hai , par tu aur gurkirat dono mere past , present aur future sab mein ho... Ye trip tumhare naam hai bhai 🙂
Anirudh -- Saale tu delhi jaakar Chetan Bhagat bn gya waise 😀
Rizul -- Chetan Bhagat kaa naam mat le bhai please 😀
Anirudh -- Kyun?
Rizul -- Kyunki merko Vidhi yaad aajati hai.. "Half-Girlfriend" is her favourite novel 😀
Anirudh -- Hahaha xD
(3:00 PM, at 43 Sector, Chandigarh)
Anirudh -- Saale Kahan reh gaya thaa? Yahan dhoop mein fatkar haath mein aagyi humari 😕
Gurkirat -- Yaar har chowk par 'red light' milli aaj , fir gaadi mechanic ko dikhaane chal gya thaa...
Rizul -- Bhai Anirudh se check karwaaleta gaadi , ye bhi toh mechanic hai apna 😀
Anirudh -- Saalo mechanical engineer ka kuch toh standard rakhlo tum.. Itni bezti kyun karte tum humari 😕
Gurkirat -- Haha , ye toh sahi bola Rizul tunne !! Aur Shimla toh sexy hoga mausam?
Rizul -- Haan , yahan toh moti garmi hai bhai !!
Anirudh -- Fir lunch abhi karna hai yaa beech raaste mein karna?
Gurkirat -- Raaste mein karenge yaar... Tumharko bhook lagri kya ?
Rizul -- Naa naaa , chal dikki khol fir.. Bag wagara rakhe 🙂
Anirudh -- Manali kitne bje lagenge hum?
Gurkirat -- 8-9 bje lagadunga gaadi... Hotel miljaaye bus 😐
Rizul -- Haan BC peechli baar bhi gaye te toh hotel hi nahi mila apne ko.. Itna tourist pata nahi kahan se aagya?
Anirudh -- Bhai tu kissi bhi kone mein chal jaa India ke , tourist toh har jagah milega terko..
Rizul -- Paisa bolta hai bhai paisaaaa 😐
(Whilst at Shimla, Mall Road)
Ishani -- Boring Movie thi yaar....
Vidhi -- Main toh Varun dhawan ki vajah se gayi thi 😀
Ishani -- Lol, he's mine 🙂
Vidhi -- Hahaha acha...
Ishani -- Aur tunne toh jaana thaa naa apne kissi friend ke saath coffee peene? Aaya nahi kya woh?
Vidhi -- Nahi yaar , usko koi kaam padgya !!
Ishani -- Hmmm , chal hum chalte hai fir coffee peene. Last time toh tum chale nahi te mere saath CCD
Vidhi -- Toh ab chalte hai madam 🙂
(Back to Chd)
Anirudh -- Front seat par main baithungaa...
Rizul -- Bhai mera phone dead hai , maine charging karni hai.. Tu baad mein baithjaaio aage...
Anirudh -- Toh phone lagale charging par aur baithjaa peeche..
Rizul -- Nahi saath-saath chatting bhi karni hoti maine 😕
Gurkirat -- Tum saale mobile chalane aaye ho yaa hangout maarne?
Anirudh -- Isss rizul ko samjhaa....
Rizul -- Acha baithjaa tu aage , main baad mein baithjaaunga 😐
Anirudh -- 😀
*Rizul in his mind*
Rizul -- (3:30 bj gaye , uski movie khatam hogayi hogi)
Rizul -- (Warna iss waqt hum dono CCD mein saath baithe hote , Shit man)
Rizul -- (Text karta hu isko , dekhta hu ki gussa kam hua bndi kaa yaa nahi)
Rizul -- Hi.. How was the movie?
Vidhi -- I'm busy. Talk to you later 😐
Rizul -- K.
Vidhi -- *Msg seen*
(Vidhi in her mind)
Vidhi -- (First time life mein kissi bnde se milne ko excited thi main but isne saara mood off kardiya)
Vidhi -- (Saare boys same hi hote hai , friends pehle hote hai inko , bndio ki feelings ki toh respect hi nahi)
Vidhi -- (But why i'm reacting so much? He is not my BF , He was just my co-passenger and a facebook friend. That's it)
Rizul -- Well I'm sorry once again.
Vidhi -- Whatever 😕
......to be continued 🙂
Kaisa Laga yeah Part ?
Ab Aage Kya Hoga Jaane Ke Liye Jyda Se Jyda Like Aur Comment Karein 
😊
😊
Next Part Kal Shaam 4 Bje 🙃
Like And Share Our Page 
❤️❤️
❤️❤️
No comments:
Post a Comment